REGISTRES DU BUREAU

[t55a]

auroit decerné une commission pour faire un boulievert aud. lieu, dont la teneur ensuit :

"Nous, Loys, Cardinal de Bourbon, Archevesque de Sens, Primat des Gaulles etde Germanye, Lieutenant general pour le Roy mon Seigneur en la ville de Paris, à tous ceulx qui ces presentes lettres verront: salut.

"Comme nous ayons puis n'a gueres esté ad-vertiz que pendant ces dernieres émotions des Bourguignons qui estoient ou pays de Picardie, que plusieurs espies entroient et sortoient en ceste ville de Paris entre le lieu où soulloit estre la tour de Billy et le boulievert de pierre estant au bort de la rivyere de Seyne, au dessus de l'isle Louviers, à cause de l'aterrissement qui est au fossé entre ledit lieu où estoit lad. tour et ledit boulievert de pierre : chose non tollerable, dont pourroit advenir inconvenient à l'advenir, s'il n'y estoit promptement pourveu.

"Et après la matiere mise en deliberation au Conseil du Roy tenu en l'ostel de Saint Denis à Paris'¹', où estoient mess™ :

les premier president de Roissy, maistre des Requestes;

trois conseillers de la Court de Parlement;

les Prevost des Marchans et Eschevins de lad. Ville;

« A esté ordonné que sire Thomas Le Lorrain. l'ung desd. Eschevins, et Quartenier de lad. Ville, fera dresser et acoustrer une platte forme et rampart de terre le long dudict fossé, appellé le fossé dc la Garanne, au dedans de lad. ville, entre lad. tour de Billy et led. boulievert de pierre, de telle longueur et largeur qu'il verra bon estre à faire, au lieu entreprins par feu Loys Vigneron et autres, à l'adveu des Celestins de Paris.

"Et pour ce faire, pourra faire prandre les terraulx gettez le long des murs de lad. riviere, venuz et yssuz du bastiment encommencé à l'Arsenac, près les Celestins, et fonte d'artillerye du Roy, sauf à rapporter les deniers qu'il coustera à faire oster lesd, terraulx sur ceulx qui les y ont faict mettre.

«Et pour les autres fraiz qu'il conviendra faire au surplus pour rendre lad. platte forme faitte et parfaitte, nous ordonnons ausd. Prevost des Marchans et Eschevins décréter et ordonner mandemens adres-sans au Receveur de lad. Ville, pour faire lesd, payemens à iceulx prandre sur les deniers ordonnés pour la fortiffication delad, ville, selon et ainsi qu'ilz verront estre à faire pour le bien et utilité de lad. Ville, et nonobstant oppositions ou appellations que pourroient faire aucuns particuliers qui pourroient pretendre avoir bail d'aucuns jardins ou places estans au lieu où est neccessaire faire lad. platte forme des Celestins de Paris ou autres : attendu que c'est pour le bien de la chose publique, garde et deffence de lad. Ville.

«De ce faire avons donné et donnons aud. Le Lorrain plain povoir, auctorité et mandement espe-cial. Si donnons en mandement à tous à qui il apartiendra que, exerceant cested, commission par led. Le Lorrain, ilz entendront diligenment en luy donnant conseil, confort, ayde et prisons, se mestier est et requis en sont.

«Donné audit hostel Saint Denis, le dix neufviesme jour d'Octobre l'an mil cinq cens cinquante deux. "

Ainsi signé : LOYS, Cardinal de Bourbon. Et au dessoubz : Sayzette.

Et sellé en placart en cire rouge du scel dudit s^r Cardinal de Bourbon⁽²⁾.

XLV. — [Autres mandemens aux Quarteniers.]

20 octobre i552. (B fol. 23 v°)(³).

Du xx^e dudict mois d'Octobre. Ce jourd'uy ont esté expédiez autres mandemens aux seize Quarteniers, dont la teneur ensuit.

tr Sire Jehan Basannier, Quartenier de ladicte

Ville, soyez ce jourd'uy en l'Hostel de ceste Ville, pour vous faire entendre chose prouffitable pour icelle Ville.

«Faict au Bureau de ladicte Ville, le xx^e jour d'Octobre mil v^c lu. "

O -L'ostel de Saint Denis»: voir page 26, note 5.

(2) Le bas du fol. 1 i r° est resté en blanc, au Registre A.

'3) Au Registre, cet article suit immédiatement notre article ci-dessus XLII.